Plataforma Antifascista Galega

Un grupo de persoas de distintos ámbitos da Galicia, diante  da eclosión do fascismo, pensamos que son horas de tecer amplas unidades, horas de converxencia antifascista, de xenerosidade e altura de miras. O fascismo é a ferramenta que historicamente empregou a burguesía en momentos de profundas crises do capitalismo, para facer fronte ás loitas populares. Contrariamente ao relato oficial, no noso país o fascismo non finalizou coa morte na cama do ditador, que gobernou con man de ferro desde o triunfo do golpe de estado do 18 de xullo de 1936. Desta urxente necesidade histórica as persoas asinantes impulsamos a creación da  Plataforma Antifascista Galega . Un espazo plural, inclusivo e transversal que, sen excluír ninguén, e co denominador común de combater o fascismo, tenta de aglutinar un mosaico de forzas e organizacións políticas e sociais, e cuxos obxectivos son: 1º-  Denunciar  e  alertar  sobre a  ameaza fascista  e o seu proxecto oligárquico e antipopular.